Google ADS

U dënua për mosmbajtje të maskës, infermieri thotë se nuk do ta paguaj dënimin

00:06 | 2 Shtator 2020
Trina Galanxhi

Infermieri që u dënua për mosmbajtje të maskës thotë se nuk do ta paguaj dënimin.

Infermieri në Klinikën e Gjinekologjisë, Liburn Dema, është dënuar me 35 euro, për arsye se nuk e kishte vendosur maskën brenda veturës në të cilën ishte duke vozitur.

Dema thotë se i është bërë e padrejtë.

“Jam dënuar me datën (30 gusht) në mbrëmje sa kam qenë duke vozitur. Kam qenë me gruan dhe fëmijët, jam ndalur në hyrje të fshatit nga një polic të cilin e pyeta për arsyen e ndaljes ndërsa ai tha “që nuk kam maskë”, tregoi Dema për Klan Kosovën.

“I tregova që jam punëtor shëndetësor dhe që i di rregullat, që maska nuk është obligative në veturë dhe nuk është legjitime”, theksoi ai.

Dema ka thënë që nuk do ta paguajë dënimin e shqiptuar nga policia.

“Polici e ka shqiptuar gjobën në vlerë prej 35 euro, të cilën nuk do ta paguaj. Afati i ankesës është 8 ditë dhe po pres të shoh reagimin e policisë”, tha Dema.

 

Shpërndaje në rrjete sociale

Lajmet më të lexuara

Të ngjashme

Foto lajm